Кыргыз аскерлери ЖККУнун машыгууларына катышуу үчүн Беларуска барышты (видео)

Кыргызстандын Куралдуу күчтөрүнүн аскердик контингенти Беларуска барды. Бул тууралуу бүгүн, 9-октябрда Коргоо министрлиги билдирди.

Маалыматка ылайык, алар ЖККУнун "Бузулбас боордоштук-2026" командалык-штабдык жана "Тосмо-2026" атайын машыгууларына катышат.

Машыгуулар 12-16-октябрь күндөрү өтөрү белгилүү болду. Анын алкагында ЖККУнун тынчтык орнотуучу күчтөрүнүн, радиациялык, химиялык жана биологиялык коргонуу, ошондой эле медициналык камсыздоо бөлүктөрүнүн катышуусунда биргелешкен көнүгүүлөр өткөрүлмөкчү.