Президент: "Өспүрүм кыз менен мамиледе болгондорду эч ким жазадан куткара албайт" (видео)

Президент Садыр Жапаров 11-октябрда Баткен районунун жана Баткен шаарынын тургундары менен жолугушуу өткөрдү.

Анда Сай айылынын тургуну майыптуулугу бар кайын эжесинин уулу Кылмыш-жаза кодексининин 157-беренеси менен (Он алты жашка толо элек бала менен сексуалдык мүнөздөгү аракеттер) камалганын билдирди. Бирок жабырлануучу тарап эч кандай арыз жазбаганын белгилеп, ал камактагы жигитке ырайым берүүнү суранды.

"Арыз жазса да, жазбаса дагы жашы жете элек кыз менен мамиледе болгондон кийин - бул кылмыш. Аны прокурор дагы, мен дагы (президент) жазадан куткара албайм",- деди президент.