Супер-Инфо
super.kg видео
Экс-депутат Шайлообек Атазов соттон акталганын билдирди
Жогорку Кеңештин экс-депутаты Шайлообек Атазов соттон акталганын социалдык тармактагы баракчасы аркылуу билдирди.
Айтымында, сот 14-октябрда анын иш-аракетинде эч кандай кылмыштын курамы жок деп таап, сот залынан бошоткон.
Атазов Кылмыш-жаза кодексинин "Кылмышка даярдык көрүү", "Кылмышка кошо катышуучулардын түрлөрү" жана "Массалык баш аламандыктар" беренелери боюнча айыпталып жаткан.
Эске салсак, өткөн жылдын 22-ноябрында Жогорку Кеңешке шайлоодон кийин массалык баш аламандыктарды уюштурууну көздөгөн деген шек менен 10 адам кармалган. Алардын арасында Атазов да бар болгон.
Кармалгандар 17-январга чейин камакка алынышкан. Январда алардын камактагы мөөнөтү 17-мартка чейин узартылганы маалым болгон. Атазов ушул жылдын январь айында үй камагына чыгарылган.
0
Талкуу жабык.