Саламаттык сактоо министрлиги: Эпидемиологиялык көзөмөлдү санариптештирүү кызуу жүрүүдө

Кыргыз Республикасынын Саламаттык сактоо министри Дамир Осмонов оорулардын алдын алуу жана мамлекеттик санитардык-эпидемиологиялык көзөмөл департаментинин ишмердүүлүгү менен таанышты. Бул тууралуу министрликтен билдиришти.

Иш- чарада эпидемиологиялык көзөмөдүн натыйжалуулугу, санитардык мыйзамдарды өркүндөтүү, медициналык кароолоду санариптештирүү жана инфекциялык коркунучтарга даярдык көрүү маселелери каралды.

Азыркы тапта департамент санариптештирүүнүн алкагында IEPID системасына 21 жугуштуу оору боюнча электрондук карталарды киргизди. Ошондой эле оорулуулар менен байланышта болгондорду эсепке алуу жана маалымат алмашууну жеңилдетүү үчүн тармактык системаларды интеграциялоо иштери жүрүүдө.