От чачкан ажыдаар... АКШдагы дрон шоу дүйнөнү суктандырууда (видео)

АКШнын Техас штатындагы Блу Риж шаарында 27-сентябрдан 30-сентябрга чейин дрондордун шоусу уюштурулган. Бул ишке америкалык жана кытайлык адистер тартылып, ал аралыкта 71 миң 207 дрон учурулган.

Учурда дүйнө коомчулугун от чачкан ажыдаар шоусу суктандырууда. Бул шоу 28-сентябрда тартууланып, 10 миң 183 дрон колдонулган. Бул укмуштуудай көрүнүш дрондорду колдонуу менен жасалган мифтик жандыктын эң чоң абада тартылган сүрөтү катары Гиннесстин рекорддор китебине киргизилгенин чет элдик басылмалар маалымдашты.