Бүгүн "Ты супер! Кыргызстан" сынагынын финалы өтөт (видео)

Бүгүн, 24-октябрда саат 19:20да Nomad TV каналында көптөн күткөн "Ты супер! Кыргызстан" аттуу эң ири музыкалык долбоордун финалы көрсөтүлөт.

Үндөрү жана музыкага болгон сүйүүсү менен көрүүчүлөрдү суктандырган 12 финалчы сахнада жолугушат.

Жеңиш үчүн Сезим Коргонбаева, Алтынай Русланова, Алихан Мейманов, Кадыйча Галбаева, Курманбек Акканалиев, Ариет Тынчтыкбеков, Саида Авазхан, Семетей Акынбеков, Кызыбек Сайдуллаева, Насыйкат Баймырзаева, Аруна Шайсынова жана Александра Рыбина ат салышууда.

"Ты супер! Кыргызстан" долбоорунун жаш вокалдык таланттары көрүүчүлөрдүн гана эмес, дүйнө жүзүндөгү белгилүү артисттердин жана продюсерлердин жүрөгүн багындырды. Кыргыз балдарынын өнөрлөрү белгилүү ырчы Ёлки менен продюсер, композитор жана долбоордун калыстарынын бири Максим Фадеевдин көңүлүн бурду. Артисттер катышуучулардын өнөрлөрүн социалдык медиа баракчаларында бөлүшүп, колдоо жана суктануу сөздөрүн билдиришти.

Максим Фадеев Семетей Акынбековдун аткаруусуна таасирленди. Продюсер жаш аткаруучунун талантын белгилеп, чын жүрөктөн аткарган аткаруусу үчүн ыраазычылык билдирди.

"Мындай балдар бизге чыныгы талант жана музыкага болгон сүйүү каалаган жерде, ал тургай алардын өнүгүүсү үчүн мүмкүнчүлүктөр аз болгон жерлерде да пайда болушу мүмкүн экенин эскертип турат. Семетей, бул аткаруу үчүн рахмат", - деп жазган Максим Фадеев.

Ырчы Ёлки долбоордун катышуучусу Аруна Шайсынованын "Около тебя" хитин аткаруусу менен бөлүшүп, жаш ырчыга ийгилик каалады.

Продюсер Сергей Пудовкин "Ты супер! Кыргызстан" шоусунун 11 жаштагы катышуучусу Кызыбек Сайдуллаеванын аткаруусун социалдык тармактарда бөлүштү.

"Мен бул укмуштуудай аткарууга абдан кубанычтамын, Кызыбек, браво!" - деп жазган ал.

Продюсер 18-октябрда эфирге чыккан Nomad TV берүүсүнүн жаздыруусун жарыялады. Акыркы жарым финалда Кызыбек Сайдуллаева Юлия Гаврилованын "Ай, Вы, Цыгане" ырын аткарды.

Бүгүн саат 19:20да Nomad TV каналында "Ты супер! Кыргызстан" аттуу сынактын финалын өткөрүп жибербеңиз.

Финалисттерибизди колдоп, жеңүүчүнү чогуу аныктайлы!