Президент жалгыз бой эненин үнүн угуп, "эркектер бузулду" деп кейиди

Өлкө башчы Садыр Жапаров 24-октябрда Аксы районунун эли менен болгон жолугушууда жалгыз бой эненин кайрылуусун угуп, маселени чечүүнү тапшырды.

Кайрылган жаран мурунку жолдошу менен бирге 2012-жылы Бишкектин Ак-Ордо конушуна үй салышканын, бирок 2016-жылы күйөөсү үйдү белек катары кайнатасына өткөрүп салганын айтты. Учурда жердин кызыл китеби анда болгонуна карабай, кайнатасы сотко берип, төрт баласы менен үйдөн чыгып кетүү талабын коюп жаткан.

"Макулдугу жок өткөрүп берүүгө кандай акысы бар? Калыбына келтирип туруп, айымга бергиле. Төрт баласы турса... Азыр эркектер бузулду аябай", - деп кейиди мамлекет башчысы.