Бишкекте каналда агып бара жаткан бала куткарылды (видео)

Бишкекте каналга түшүп кеткен баланы эркек киши куткарып калды. Бул тууралуу окуянын видеосу социалдык тармактарга тарады.

Видеодон эркек киши сууга түшүп кеткен баланы көрүп, аны көпүрөнүн астынан тосуп алууга жетишпей калганын көрүүгө болот. Андан ары артынан агым менен чуркап барып куткарып калды. Ага эки аял да жардамдашууга барып, куткарган соң баланын жакындарын издешкен.

Социалдык тармактын колдонуучулары окуя октябрь айынын башында болгонун, каналдын жанында бала бакча жайгашканын жазышууда.

Бишкек милициясы аталган жагдайды иликтөөгө алганын билдирди.