Дүйнө чемпиондугу: Балбан Афтандил Таалайбек уулу көңүл жубатуучу беттеште жеңилди

Бүгүн, 27-октябрда Казакстандын Астана шаарында өтүп жаткан күрөш боюнча Дүйнө чемпиондугундагы көңүл жубатуучу беттеште Афтандил Таалайбек уулу молдовалык атаандашынан 5:6 эсебинде жеңилип калды.

Ал грек-рим күрөшү боюнча 63 килограммга чейинки салмакта күрөштү.

Бир күн мурун кыргызстандык спортчу 1/8 финалдык баскычта армениялык балбанга 0:8 эсебинде жеңилген.

Эскерте кетсек, Дүйнө биринчилигинен азырынча Кыргызстандын капчыгында эки коло медаль бар. Мелдешке жалпы 22 балбан катышууда.