90 депутатка бирден жаш кадр бөлүнүп берилди (видео)

Парламенттеги 90 депутаттын ар бирине бирден жаш кадр бөлүнүп берилди. Бул тууралуу бүгүн, 28-октябрда Жогорку Кеңештин жыйынында депутат Табылды Муратбеков билдирди.

Анын айтымында, алар парламент спикеринин алдында түзүлгөн Жаштар кеңешинин мектебинен эки жарым айлык окуудан өтүшкөн.

"120 жаран окуудан өткөнү тууралуу төш белгилерди алышты. 90 депутатка чүчү кулак аркылуу 90 бала бөлүндү. Эми сиздер менен жаш кадрлар иштешет. Сиздер тажрыйба бөлүшүп, өстүрүңүздөр",- деди эл өкүлү.