Бишкекте дагы бир автобус катышкан жол кырсыгы катталды (видео)

Бишкек шаарынын Айтматов жана Сухомлинов көчөлөрүнүн кесилишинде автобус катышкан жол кырсыгынын видеосу интернетке тарады.

Видеодон автобустан тышкары, 2 унаа да жол кырсыгына кабылганын көрүүгө болот. Кырсык бүгүн, 28-октябрда болгон.

Милициянын кайгуул кызматы аталган окуя боюнча териштирүү иштери жүрүп жатканын маалымдады.

Эскерте кетсек, Бишкекте кечээ, 27-октябрда автобус менен жеңил унаа сүзүшкөн жол кырсыгы катталып, автобус жол жээгиндеги төрт жаранды сүзүп кете жаздаган.