Нарында окуучулардын көптөн күткөн кыялы орундалды (видео)

Нарын облусунун Кочкор районундагы Ак-Талаа айылында жаңы окуу жылынын башталышы менен Азис Абдыкеримов атындагы мектеп пайдаланууга берилди. Бул тууралуу бүгүн, 28-октябрда Курулуш министрлигинен билдиришти.

Маалыматка ылайык, жалпы наркы 96 миллион сомду түзгөн бул мектеп 150 окуучуга ылайыкталып, аянты 1 351 чарчы метрди түзөт. Анда заманбап окуу класстары, китепкана, ашкана, жана спорт залы каралган.

"Ак-Талаа айылындагы эски мектеп 1983-жылы ашар жолу менен курулган",-деп белгиленет маалыматта.