Бажыда жасалма интеллект колдонулат: Бишкекте жаңы ыкмалар үйрөтүлүүдө

28-30-октябрь күндөрү Бишкек шаарында бажы тобокелдиктерин башкаруунун заманбап ыкмалары боюнча үч күндүк тренинг өтүүдө. Бул тууралуу Экономика жана коммерция министрлигинен билдиришти.

"Иш-чаранын максаты бажы көзөмөлүнүн натыйжалуулугун жогорулатуу, соода жол-жоболорун жөнөкөйлөтүү жана бажы тармагында заманбап технологияларды колдонуу боюнча адистердин билимин өркүндөтүү болуп саналат. Тренингдин жүрүшүндө катышуучулар маалыматтарды талдоо, жасалма интеллект жана машиналык үйрөнүү технологияларын колдонуу, ошондой эле мыйзам бузууларды аныктоо жана негизсиз текшерүүлөрдү кыскартуу ыкмалары менен таанышууда",- деп маалымдады мекеме.