Президент түрк ишкерлерин Кыргызстанга чакырды

Бүгүн, 30-октябрда Садыр Жапаров Түрк мамлекеттер уюмуна мүчө мамлекеттердин башчыларынын 13-саммитинде сөз сүйлөдү.

Мамлекет башчы өз сөзүндө, "Тамчы" атайын финансылык-инвестициялык аймагы инвестиция тартуу үчүн маанилүү аянтча экенин белгилеп, боордош мамлекеттердин ишкерлерин Кыргызстанда биргелешкен долбоорлорду ишке ашырууга чакырды.

Президент алдыңкы багыттардын катарында транспорттук-логистикалык кызматташтыкты кеңейтүүнү, чек ара жол-жоболорун жөнөкөйлөтүүгө кызыкдар экенин билдирди. Ошондой эле, "Кытай – Кыргызстан – Өзбекстан" темир жолун Каспий деңизи аркылуу орто коридор менен байланыштыруу маанисин баса белгиледи.