Тарыхый жеңиш: Айша Кыялбекова жаштар олимпиадасында коло медаль утту (видео)

Бүгүн, 3-ноябрда Дакар шаарында өткөн Жаштар олимпиадасында кыргызстандык дзюдочу Айша Кыялбекова коло медаль тагынды. Бул тууралуу Улуттук дзюдо федерациясынан билдиришти.

63 килограмм салмак категориясында күч сынашкан 16 жаштагы спортчу алгачкы беттешинде кореялык атаандашын жеңип, жарым финалда германиялык дзюдочуга жеңилген. Жыйынтыктоочу беттеште тунистик дзюдочуну ишенимдүү жеңип, өлкөгө коло медаль алып келди.

Эскерте кетсек, бул медаль кыргыз кыз-келиндер дзюдосунун тарыхында Жаштар олимпиадасында багындырылган алгачкы ийгилик болуп калды.