super.kg logo

Кызарт ашуусунда жаңы жол тейлөө пункту пайдаланууга берилди 

 

Бүгүн, 16-ноябрда Балыкчы – Жалал-Абад автоунаа жолунун (Түндүк–Түштүк альтернативдик жолу) 107-чакырымында, Кочкор–Жумгал жолундагы Кызарт ашуусунда жол тейлөө кызматкерлери үчүн жаңы пункт ишке киргизилди. Бул тууралуу Транспорт жана коммуникациялар министрлигинин басма сөз кызматынан билдиришти.

Маалыматка караганда, жаңы имаратта жол тейлөө кызматкерлеринин иштөөсү жана эс алуусу үчүн бардык зарыл шарттар түзүлдү. Атап айтканда, иштөө жана эс алуу бөлмөлөрү, жылынуучу жана тамактануучу жайлар каралды. Ошондой эле жол техникаларынын үзгүлтүксүз иштөөсүн камсыз кылуу максатында жылытылган гараждар курулду.

Белгилей кетсек, Балыкчы–Жалал-Абад альтернативдүү автоунаа жолунун үч тилкесинде жол тейлөө пунктун куруу каралган. Калган эки объекттин курулушу да аяктоо алдында турганы маалым болду.

Алар Тогуз-Торо районунун аймагындагы 260-чакырымда жана Сузак районундагы 357-чакырымда жайгашкандыгы айтылды.

Долбоордук наркы 210 миллион сомдон ашык болгон объекттерди кошумча инженердик иштер менен бирге болжол менен 140 миллион сомго бүткөрүү мүмкүнчүлүгү каралганы кошумчаланды.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2026 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: