super.kg logo

ЭЛДИК КАБАР: Ошто тынчтыкты сактоого чакырган жаранды топ балдар сабап кетишкени айтылууда (видео)

 

Социалдык тармактарда бир нече адам топтолуп алып эркек кишини сабап жатканы тартылган видео тарады. Видеодон алгач бир нече адамдын катуу кыйкырып, ызы-чуу салып жатканын, кийинчерээк алар эркек кишини сабап жатышканын көрүүгө болот.

Жабырлануучунун жубайынын айтымында, окуя 16-ноябрда Ош шаарындагы Төлөйкөн кичи районунда болду. Анда жолдошу жумуштан келе жатып, ызы-чуу салып жаткандарды тынчтыкты сактоого чакырганда ур-токмокко алынган.

Окуяга байланыштуу анын жубайы тиешелүү органдарды көңүл буруп, күнөөлүү адамдардын бардыгын аныктоону өтүндү.

"Биз эч кандай өзгөчө талап коюп жаткан жокпуз. Биз адилеттүүлүктү, иштин калыс тергелишин жана күнөөлүү адамдардын мыйзам чегинде жазаланышын талап кылып жатабыз. Топтошуп жасаган зомбулук жазасыз калбашы керек. Милицияга арыз бердик. Видео далилдер турса да, талаптагыдай иш жүрбөй жатат",- деп билдирүү калтырган ал.

Анын айтымында, сабалган жаран учурда ооруканада.

Ал эми шаардык милиция азырынча расмий маалымат бере элек.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.






Ошто тынчтыкты сактоого чакырган жаранды топ балдар сабап кетишкени айтылууда

 


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде колдонуучу (Катталган: , коноктор: ) бул кабарды окуду:

Кабарлардын саны:
195263;
 
Маалымат-маанайшат порталы
2006-2026 © SUPER.KG
Кыргыз Республикасы, Бишкек шаары,
Турусбеков 109/1
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
p
Рейтинг@Mail.ru
Биз социалдык тармактарда: