Талас облусунда Юстиция башкармалыгы жергиликтүү кеӊештердин депутаттарына семинар өткөрдү

Талас облустук Юстиция башкармалыгы тарабынан жергиликтүү кеӊештердин депутаттарына семинар өткөрүлдү. Бул тууралуу бүгүн, 25-апрелде Юстиция министрлигинен билдиришти.

Маалыматта белгиленгендей, Талас облустук Юстиция башкармалыгынын кызматкерлери тарабынан Бакай-Ата райондук мамлекеттик администрациясында аталган райондун жергиликтүү кеӊештердин төрагаларынын катышуусунда "Жергиликтүү өз алдынча башкаруунун өкүлчүлүк органдарынын ченемдик-укуктук актылары жана алардын юридикалык күчкө ээ болуусун камсыз кылуу" аттуу темада семинар өттү.

Семинарда жергиликтүү кеӊештер кабыл алган токтомдорго байланышкан маселелер талкууланды.