Борбор калаада кароосуз иттерди коргоо жана аларды кароого каражат чогултуу максатында кайрымдуулук акциясы өтөт

Бишкек шаарында 8-июнь күнү “Ататүрк” сейил багында кароосуз иттерди коргоо жана аларды кароого каражат чогултуу максатында кайрымдуулук акциясы өтөт. Бул тууралуу бүгүн, 2-июнда иш-чаранын уюштуруучулары билдиришти.

Маалыматка ылайык, аталган иш-чарага келген коноктор өздөрү каалаган суммадагы акча каражатын берип, ал каражат кырсыкка кабылган иттерди кароого жумшалмакчы. “Кайрымдуулук акциясынан түшкөн каражат “Жашоого укугу бар” фондуна түшүп, ар кандай кырсыктарга кабылган иттерди багып жана аларды кароого жумшалат. Иш-чарага бардык каалоочулар катыша алышат”,- дешет уюштуруучулар.

Акциянын алкагында үйрөтүлгөн иттердин бийлери, иттер үчүн тигилген кийим-кечелердин сынагы, “Иттер эмнелерди кыла алышат?” жана башка кызыктуу сынактар уюштурулмакчы.