Турсунбек Акун "Алайдагы митингчилердин талабы мыйзамдуу, бирок жол тосуу иши мыйзамсыз" дейт

“ЖКнын депутаты Ахматбек Келдибековду үй камагына бошотуу боюнча Алайдагы митингчилердин талабы мыйзамдуу. Бирок жол тосуу иши мыйзамсыз”,- деп айтты бүгүн, 5-июнда маалымат жыйынында мурунку акыйкатчы Турсунбек Акун.

Анын айтымында, бийлик өкүлдөрү Алайдагы митингчилер менен сүйлөшүүлөрдү жүргүзүп, жол тосуу маселесин чечүүгө жетиши зарыл. “Ош-Эркеч-Там жолу эл аралык маанилүү унаа жолу болуп саналат. Ошондуктан митингчилердин кылган ушул иш-аракети эл аралык эрежелерди бузуу болуп эсептелинет. Албетте, мен буга каршымын. Бийлик сөзсүз түрдө алар менен жолугуп, талаптарын угуп, мыйзамдуу чечимге келиши керек”,- деди ал.