Кыргызстандын мамлекеттик карызы 3,5 миллиард доллардан ашты

2014-жылдын 1-майына карата Кыргыз Республикасынын мамлекеттик карызы (ички жана сырткы) 3 миллиард 565 миллион 863 миң АКШ долларына барабар болду. Бул тууралуу КРнын Каржы министрлигинин “Ачык бюджет” порталында жазылууда.

Аталган сумманы КРнын валютасына келтирсек, 187 миллиард 596 миллион 893 миң сом болот. Белгилей кетсек, КРнын Улуттук банкынын маалыматына ылайык, бүгүн, 6-июнга карата АКШ долларынын баасы 52,6091 сомго барабар. 

Жалпы мамлекеттик карыздын тышкы карызы 3 миллиард 326 миллион 887 миң АКШ доллары (175 миллиард 24 миллион 557 миң сом). Ал эми ички карыз 238 миллион 976 миң АКШ доллары (12 миллиард 572 миллион 336 миң сом).

Белгилей кетсек, жакында Жогорку Кеңеште "Кыргызстандын тышкы карызы акыркы 4 жылда 626 миллион долларга өстү" деп айтылган.