Бүгүн Бишкекте 6 аймактык милиция бөлүмү ачылып, биринде 94 жаштагы аксакал катышса, экинчисинде куран окутулду (фоторепортаж)

Аймактык милиция бөлүмүнүн ачылышы кызыл лентаны кесүү менен башталды.

Октябрь районунун 6-кичи районунда жаңы ачылган аймактык милиция бөлүмү.

Аймактык милиция бөлүмүнүн ачылышы кызыл лента кесүү менен башталды.

Октябрь районунун 6-кичи районунда жаңы ачылган аймактык милиция бөлүмү.

Арча-Бешик конушундагы аймактык милиция бөлүмүнүн ачылышына 94 жаштагы аксакал катышты.

2013-жылдын апрель айында жардыргыч заттан жабыркап көз жумган аймактык милиция бөлүмүнүн инспектору Шамил Усубалиев.

Жардыргыч заттан жабыркап көз жумган милиция кызматкери Шамил Усубалиевдин энеси жана балдары.

Ак-Өргөө жаңы конушунун тургундары аймактык милиция бөлүмүнө ноутбук белек кылышты.

Жардыргыч заттан жабыркап көз жумган милиция кызматкери Шамил Усубалиевге куран окутулду.

Ар бир аймактык милиция бөлүмүндө алардын жетекчилеринин уюлдук телефон номерлери жазылууда.

Аймактык милиция бөлүмүнүн ичи.

Ар бир аймактык милиция бөлүмүндө убактылуу кармоочу жай бар. Бул жакта кылмышка шектүүнү 2 саатка гана кармаса болот.

Аймактык милиция бөлүмү.

Бүгүн, 18-июнда борбор шаардын конуштарында 6 аймактык милиция бөлүмү ачылды. Иш-чарага Бишкек шаардык ички иштер башкы башкармалыгынын кызматкерлери жана жергиликтүү тургундар катышышты.

“Мурда жарандар милицияга кайрылыш үчүн борборго келүүгө же шаардын алыс аймагына барууга аргасыз болушчу. Эми милиция элге жакын болду. 2013-жылы Бишкекте 44 бөлүм ачылган. Бир бөлүмгө 380 миң сом сарпталган болсо, жалпысынан 15,2 миллион сом иштетилген. Ал эми үстүбүздөгү жылы 12 милиция бөлүмүн ачуу пландалууда. Аймактык милиция бөлүмдөрү элдин өтүнүчү менен ачылууда”,- деди Бишкек ШИИББинин башчысы Мелис Турганбаев.

Айта кетсек, бүгүн Ленин районунун Киркомстром, Ак-Ордо, Арча-Бешик, Ак-Өргөө конуштарында жана Октябрь районунун 6-кичи районунда аймактык милиция бөлүмдөрү ачылды.