4-июлда премьер-министр жана депутаттар 400 метр аралыкка чуркашат

4-июлда республика боюнча “Дени сак жашоону өзүңдөн башта” урааны менен спорттук мелдештер өтөт. Бул тууралуу бүгүн, 2-июлда КРнын Саламаттыкты сактоо министрлигинин басма сөз кызматы билдирди.

Маалыматка ылайык, иш-чаралар саат 08:00дө башталат. Анда 400 метрге чуркоо, армрестлинг жана аркан тартыш боюнча мелдештер өтөт. Жалпы чуркоо Өкмөт үйүнөн старт алып, анда Жогорку Кеңештин депутаттары, премьер-министр баштаган өкмөт өкүлдөрү, журналисттер жана жарандар катышмакчы. Ушундай иш-чаралар өлкөнүн бардык аймактарында уюштурулат.