Жумушка велосипед тээп барган чиновник: “Депутаттарга артыкчылыктар берилгенине каршымын”

“2013-жылдан тарта, өкмөттүн аппаратына орношкондон бери жумушка велосипед тээп барам”,- деди бүгүн, 10-июлда SUPER.KG порталына КРнын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин башчысынын орун басары, 32 жаштагы Данияр Шейшеканов.

Анын айтымында, велосипед тебүү ден соолукка пайдалуу, жөө басканга караганда ылдамыраак жана унаага караганда үнөмдүү. “Мен жумуштан кеч чыгам. Анткени түнкү саат 11ге чейин иштейбиз. Бул убакта коомдук унаа токтоп калат. Ошондой учурда велосипед жакшы. Мындан тышкары Бишкектеги административдик жана социалдык объектилердин оозунда велосипеддерди токтотуучу жайлардын жоктугу өкүндүрөт”,- деди ал.

“Мен чиновниктерге кандайдыр бир артыкчылыктар берилгенине каршымын. Мени мандат же статус бузбайт. Эгер эл өкүлү болуп шайланып калсам, артыкчылыктар менен күрөшөм”,- деп кошумчалады Д.Шейшеканов.