Жазгы чакыруу боюнча мөөнөттүү аскердик кызматка 3 миң, альтернативдик аскер кызматына 10 миң адам чакырылды

“Жазгы чакыруу – 2014” кампаниясы боюнча мөөнөттүү аскердик кызматка 3 миңден, альтернативдик аскер кызматына 10 миңден ашуун адам чакырылды. Бул тууралуу бүгүн, 14-июлда маалымат жыйынында КРнын Башкы штабынын Башкы оперативдик-мобилизациялык башкармалыгынын жетекчиси, полковник Руслан Абдырахманов билдирди.

Анын айтымында, мөөнөттүү аскердик кызматка чакырылгандын саны жетиштүү. “Тилекке каршы, аскердик кызматты өтөөгө милдеттүүлөрдүн көбүнчөсү Орусияга кетип калышат. 25 жаштан 50 жашка чейинки ар бир кыргызстандык жаран аскердик кызматты өтөөгө милдеттүү”,- деди ал.