Тиш дарыгери: “Шаардагы мамлекеттик стоматологиялык ооруканаларда гепатит С илдетин жугузуп алуу мүмкүн эмес”

“Бишкектеги мамлекеттик стоматологиялык бейтапканаларда гепатит С илдетин алдын алуу иштери мыкты жүрүп жатат, ошондуктан аны жугузуп алуу мүмкүн эмес”,- деди бүгүн, 25-августта маалымат жыйынында Бишкектин мэриясынын Саламаттыкты сактоо департаментинин башкы тиш дарыгери Мирказим Баширов.

Анын айтымында, бардык поликлиникаларда инфекциялык көзөмөлдөө боюнча комитеттер бар. “Алар күн сайын инструменттерди текшеришет”,- деди ал.

Мындан тышкары ал жаңы конуштардагы мектеп окуучуларынын тиштерин текшертүүлөрү керектигин айтып өттү. “Алардын 90 пайызы дарылоого муктаж, ал эми шаардагы окуучулардын 70 пайызы тиштерин дарылатуусу керек”,- деп кошумчалады Баширов.