Жыл ичинде ден соолугунун мүмкүнчүлүгү чектелгендер үчүн бардык облуста бирден реабилитациялык борбор ачылды

Кыргызстанда 18 жашка чейинки курактагы ден соолугунун мүмкүнчүлүгү чектелген 26 миң бала бар. Бул тууралуу бүгүн, 5-ноябрда социалдык өнүктүрүү министри Кудайберген Базарбаев “Үмүт-Надежда” реабилитациялык борборунун 25 жылдык мааракесинде билдирди.

“Биздин министрлик ден соолугунун мүмкүнчүлүгү чектелген жарандар менен башкалардын укуктары бирдей болуусу керек деген пикирди карманып, ушул жаатта иш алып барат. Быйыл биз бардык облустарда бирден реабилитациялык борборду ишке киргиздик”,- деди министр.