Жалал-Абад мамлекеттик университетинде Басма сөз күнү белгиленди

Бүгүн, 6-ноябрда Жалал-Абад мамлекеттик университетинде Маалымат жана басма сөз күнүнө арналган салтанат болуп өттү. Анда мекеме-уюмдардын жетекчилери, ММК кызматкерлери, студенттер жана болочок журналисттер катышып, университеттин проректору К.Үсөнов үзүрлүү эмгектенген окутуучуларга жана студенттерге Жалал-Абад мамлекеттик университетинин атынан акчалай сыйлыктарды, Ардак грамоталарды тапшырды.

Журналистика кафедрасынын жетекчиси Г.Рыскулова журналисттерди куттуктап, студенттердин окуу акысын төлөөгө жардам берген демөөрчүлөргө ыраазычылык айтып өттү. Иш-чара таланттуу студенттердин ыр-бий  өнөрлөрү менен коштолду. Бул тууралуу Жалал-Абад шаардык мэриясынын басма сөз кызматы билдирди.