“Уят кылуучу маалыматты таркатабыз” деп коркутуп, жабырлануучудан 1000 доллар талап кылган студенттер кармалды

“Уят кылуучу маалыматты таркатабыз” деп коркутуп, жабырлануучудан 1000 доллар талап кылган студенттер кармалды. Бул тууралуу ИИМдин басма сөз кызматы бүгүн, 12-декабрда билдирди.

Маалыматка караганда, үстүбүздөгү жылдын декабрь айында Х.Г. аттуу жаран милицияга кайрылган. Анда ал Октябрь райондук ички иштер башкармалыгынын кызматкерлери “уят кылуучу маалыматты таркатабыз” деп коркутуп, 1000 доллар талап кылып жатканын айткан. Бул боюнча иликтөө иштери жүрүп, кылмышка шектүү катары Кыргыз мамлекеттик юридикалык академиясынын 2 студенти жана Ички иштер министрлигинин Академиясынын 2 курсанты кармалды. Учурда алар убактылуу кармоочу жайга киргизилип, тергөө амалдары жүрүп жатат.