Мухаммед пайгамбардын карикатурасынын автору Флемминг Роуз "Нобель" сыйлыгына көрсөтүлүүдө

“Нобель-2015” сыйлыгына талапкерлердин катарын Мухаммед пайгамбардын (С.А.В) карикатурасын биринчи болуп тартып чыккан даниялык сүрөтчү Флемминг Роуз толуктоодо. Чет элдик басма сөз каражаттары жазып чыккандай, бул тууралуу бүгүн, 5-февралда белгилүү болду.

Маалыматка караганда, Флемминг тарткан 12 пайгамбардын карикатурасы париждик "Charlie-Hebdo" журналына болгон террордук окуяга чейин жарыяланган. Ал тарткан карикатуралар да ислам дүйнөсүндө резонанс жараткан. Карикатуралар басылып чыккандан кийин анын айрым кесиптештери көп убакытка чейин коркутуулардан улам жашынууга аргасыз болушкан.

Роуз Флеммингдин талапкерлигин аталган сыйлыкка норвегиялык депутат Майкл Тетзшер сунуштаган.

Майкл Тетзшер "Нобель" сыйлыгынын комитетине жазган катында: “Сөз эркиндигин коргогонго сыйлыкты тапшыруу "тынч жарандарга ырайымсыз кол салуу менен укуктарын тебелегендер эч качан ийгиликке жетишпейт" дегендин белгиси болот”,- деп билдирген.