Москвада өрт кырсыгынан 12 адам каза болду, алардын арасында кыргыз жарандары бар

Москвадагы Стромынка көчөсүндө 30-январдан 31-январга караган түнү болгон өрттөн кыргыз жана өзбек жарандары каза табышкан. Бул тууралуу чет элдик басылмалар жазып чыгышты.

Маалыматтарга ылайык, Стромынка көчөсүндөгү тигүү ишканасындагы өрттөн 12 адам, анын ичинен 3 кичинекей бала каза тапкан. Алардын 8и кыргыз жараны, Орусиянын жарандыгын алган кыргыздардан жана өзбек жарандарынан 2ден адам болгон. Өрттөнүп жаткан имараттан Кыргыз Республикасынын 2 жараны, Орусиянын жарандыгын алган 1 кыргыз жана 1 өзбек жараны качып чыкканга үлгүрүшкөн.

Укук коргоо органдары өрттүн эки булагы болгондуктан, имарат атайылап өрттөлүшү мүмкүндүгүн айтышкан. Адам өлүмүнө алып келген өрт кырсыгына байланыштуу кылмыш иши козголду.