"Евровидение-2016" Эл аралык сынагынын финалына Азербайжан, Орусия, Нидерланды жана 7 өлкөнүн ырчылары чыгышты (видео)

Кечээ, 10-майда Швециянын Стокгольм шаарында "Евровидение-2016" Эл аралык ырлар сынагынын биринчи жарым финалы болуп өттү. Сынактын жыйынтыгында 18 өлкөдөн келген катышуучулардын арасынан Азербайжан, Орусия, Голландия, Венгрия, Хорватия, Австрия, Армения, Чехия, Кипр жана Мальта өлкөлөрүнөн келген ырчылар финалга өтүштү. Ал эми Финляндия, Греция, Молдова, Сан-Марино, Эстония, Черногория, Исландия, Босния жана Герцеговинадан келген катышуучулар финалга өтө алышкан эмес. 12-майда сынактын экинчи жарым финалы орун алат. Финал 14-майда болот.

Ал эми Ошто төрөлгөн Жамала Украина өлкөсүнүн атынан жана сынакта Беларусь мамлекетинин атынан энеден туума жылаңач чыкмай болгон Ivan (Александр Иванов) экинчи жарым финалда ырдашат.

Сынактын финалына өткөн 10 катышуучу жана алардын аткара турган ырлары:

1. Семра Рагимли – "Miracle" (Азербайжан)

2. Сергей Лазарев – "You are the only one" (Орусия)

3. Дауэ Боб – "Slow down" (Голландия)

4. Freddie – "Pioneer" (Венгрия)

5. Нина Кральич – "Lighthouse" (Хорватия)

6. ZОЁ (Зои Штрауб) – "Loin d'ici" (Австрия)

7. Ивета Мукучян – "Love wave" (Армения)

8. Габриэла Гунчикова – "I stand" (Чехия)

9. "Minus One" тобу – "Alter ego" (Кипр)

10. Ира Лоско – "Walk on water" (Мальта)