Александр Лукашенко: "Евразиялык экономикалык биримдиктин ичинде чечилбеген көйгөйлөр көп"

Евразиялык экономикалык биримдиктин ичинде чечилбеген көйгөйлөр көп. Мындай пикирди 14-апрелде Бишкекте өткөн Евразиялык экономикалык биримдиктин Жогорку Евразиялык экономикалык кеңешинин жыйынында Беларустун президенти Александр Лукашенко айтты.

Беларусь лидери 2016-жылы ЕАЭБдеги мамлекеттер товар жүгүртүүнүн төмөндөө себептерин жогото албаганын белгилеп, Альянстын 2017-жылдагы негизги иштеринин бири ушул экенин баса белгиледи. Ички рыноктогу тоскоолдуктарды жоюу боюнча Евразиялык экономикалык комиссиянын маалыматын угууну сунуштады.

Евразиялык экономикалык биримдиктин Жогорку Евразиялык экономикалык кеңешинин жыйналышына Кыргыз мамлекети, Орусия, Беларусь, Армения, Казакстандын президенттери катышты. Отурумда дээрлик бардык маселелер боюнча пикирлер дал келгенин президент Алмазбек Атамбаев билдирди.