Тарыхтын изи… Рустам Кадыркулов шаардын ардактуу аксакалдары менен жолукту

Чолпон-Ата шаарынын мэри Рустам Кадыркулов калаанын 50 жылдык мааракесинин алдында Чолпон-Атанын өнүгүшүнө олуттуу салым кошкон ардагерлерге барды.

Рустам Кадыркулов шаардын эң улгайган тургундарын келе жаткан мааракеси менен куттуктап, президент Садыр Жапаровдун атынан куттуктоолорду жеткирип, алардын көп жылдык эмгеги, туулган жерине берилгендиги жана Чолпон-Атанын өнүгүшүнө кошкон салымы үчүн ыраазычылык билдирди.

"Шаарда оң өзгөрүүлөр болуп жатат. Анын инфраструктурасы жаңыланып, шаар жакшы жагына өзгөрүп жатат. Бул өзгөрүүлөрдүн баары тургундар жана конокторубуз үчүн ыңгайлуу жана коопсуз жашоо шарттарын түзүүгө багытталган. Сүйүктүү шаарыбыздын өнүгүшүнө кошкон салымыңыздар баа жеткис. Сиздердин эмгегиңиздердин жана туулган жериңиздерге берилгендигиңиздердин аркасында шаарыбыздын пайдубалы түптөлдү", - деди Рустам Кадыркулов.

Мэрдин атынан ардагерлерге эстелик белектер жана акчалай сыйлыктар тапшырылды.

Жолугушуунун аягында мэр аларга чың ден соолук, бакубат жашоо жана узак өмүр каалады.