"Дүйнөнүн сулуу айымы-2018" наамынын ээси Сания Шакирова кырсыкка кабылган унаанын айдоочусу эки айга камакка алынды

"Дүйнөнүн сулуу айымы-2018" наамынын ээси Сания Шакирова кырсыкка кабылган унаанын айдоочусу эки айга камакка алынды. Бул тууралуу SUPER.KG порталына Ысык-Көл ОИИБинин басма сөз кызматы билдирди.

"Бүгүн, 7-июнда Бишкек шаардык №4-ооруканасынан Сания Шакирова кырсыкка кабылган унаанын айдоочусунун баш коргоо чарасы каралды. Анда айдоочу эки айга камакка алынды. Бирок шектүүгө бүгүн операция жасалгандыктан Ысык-Көл ОИИБинин убактылуу кармоочу жайына алынып кеткен жок. Ал дагы эки күндөн кийин абалына жараша алынып кетиши мүмкүн", - деди маалымат катчы.

Эске салсак, 2-июнда саат 21:30дар чамасында Балыкчы-Ананьево-Каракол жолунда Кыргыз өлкөсүнөн чыккан "Дүйнөнүн сулуу айымы-2018" наамынын ээси Сания Шакирова жол кырсыгына кабылып каза болгон. Унаа Чок-Тал айылынын кире беришиндеги мүрзөнү курчаган дубалды сүзүп алган. Окуя болгон жерден 31 жаштагы жүргүнчү алган жаракатынан улам Чолпон-Атадагы ооруканага жеткирилген. Ал эми айдоочу туугандары тарабынан Бишкек шаардык №4-ооруканага жеткирилген. Ал эми маркум Сания Шакированын сөөгү 4-июнь күнү Кара-Балта шаарында жерге берилген. Ысык-Көл ОИИБи тарабынан медициналык экспертизанын жыйынытыгы чыгарылып, анда айдоочу спирт ичимдигин ичкени аныкталган.