Путин 2020-жыл Кыргыз-Орус кызматташтыгынын жылы деп жарыялоо тууралуу сүйлөшүү болгонун айтты

Бүгүн, 28-мартта Кыргыз мамлекетинин президенти Сооронбай Жээнбеков менен Орусиянын президенти Владимир Путин журналисттерге билдирүү жасады.

Анда Путин 2020-жыл Кыргыз-Орус кызматташтыгынын жылы деп жарыялана турганы тууралуу сүйлөшүү болгонун айтты. "Жакында өтө турган ШКУнун саммитин кабыл алары жөнүндө сүйлөштүк. Бул эл аралык иш-чара жогорку деңгээлде өтөт деп ишенем", - деди Путин.

Жээнбеков бул иш-чаралар эки өлкөнүн стратегиялык биримдигин чыңдоого кошкон олуттуу салым болуп кала турганын билдирди.

Мындан тышкары Орусиянын президенти Бишкек шаарына июль жана ноябрь айларында келе турганын айтты. "Кыргыз өлкөсү ШКУ жана ЖККУда төрагалык кылат, быйыл Бишкек шаарына дагы эки жолу келем", - дейт ал.