Кайрат Нуртастын жубайы: "Күйөөмдүн жанындагы сулуу кыздар бир күндүк"

Казакстандын мега жылдызы Кайрат Нуртастын жубайы Жулдыз Абдукаримова жолдошу менен жетелешип, кучакташкан кыздарга баа берип, аларды бир күндүк деп атады. Бул тууралуу ал жергиликтүү маалымат каражаттарына берген маегинде айткан.

Жулдыз Абдукаримова күйөөсүн ашкере кызганбай турганын айткан. Анткени жолдошу кызганууга эч кандай себеп бербесин, өзүнүн сулуулугуна ишене турганын билдирген.

"Күйөөмдү такыр кызганган эмесмин, мындан кийин дагы кызганбайм. Кайрат мени эч качан алдаган эмес, кымындай дагы шек жараткан эмес. Мындан улам мен ага толук ишенем. Ооба, клиптерге сулуу кыздар менен тартылат. Бирок менин сулуулугум алардан кем калышпайт. Силер кыздарды менден жаш деп жатасыңар. Мен кыздардын жаштыгына эмес, чыгармачылыгына баа берем. Кайрат менен клипке тартылган кыздар - жолдошумдун чыгармачылыктагы кесиптештери. Клипке тартылуу алардын жумушу. Кыздар бир күндүк, 1-2 сааттык эле. Андыктан мен аларды атаандашым деп эсептебейм", - деген ал.

Буга чейин социалдык тармактарда казакстандык ырчылар Кайрат Нуртас менен Камшат Жолдубаева кол кармашып баскан видео тарап, кызуу талкууга алынган.

Кайрат Нуртас менен Жулдыз Абдукаримованын ортосунда Сезим, Алау аттуу кыздары жана Нарул, Хан деген уулдары бар.