Сүйүнчү! 31-декабрда өлкөдө 261 ымыркай төрөлдү

31-декабрда өлкөдө 261 ымыркай төрөлдү. Саламаттыкты сактоо министрлигинин маалымат кызматынан билдиргендей, алардын 133ү эркек, 128и кыз.

"31-декабрда алгач Сузак аймактык ооруканасынын төрөт бөлүмүндө салмагы 3 килограмм 780 грамм болгон кыз төрөлдү. Андан кийин Кара-Суу районунда эркек бала 3 килограмм 290 грамм салмакта төрөлдү.

Бишкек шаары боюнча жалпысынан 68 ымыркай төрөлүп, алардын 34ү эркек, 34 кыз. Республика боюнча Бишкекте, Ош шаарында жана Ысык-Көлдө эгиздер төрөлдү.

Сутка ичинде эң көп төрөлгөн аймак Жалал-Абад облусу болду. Анда жалпысынан 80 бала төрөлдү", - деди басма сөз кызматынан.