Президент Коопсуздук кеңештин бардык чечимдеринин аткарылышы анын көзөмөлүндө экенин айтты

Президент Сооронбай Жээнбеков Коопсуздук кеңештин бардык чечимдеринин аткарылышы анын көзөмөлүндө экенин айтты. Бул тууралуу ал бүгүн, 24-январда Коопсуздук кеңештин жыйынында билдирди.

"Коопсуздук кеңештин 2019-жылдын 14-январдагы чечими жер казынасын пайдалануу чөйрөсүндө жана тоо-кен казуу секторундагы көйгөйлөрдү чечүүгө багытталды. Кен байлыктарды сарамжалдуу пайдалануу, экологиялык жана техникалык коопсуздукту камсыз кылуу, кен байлыктардын запастарын эсепке алуу маселелерин карадык. Лицензия берүү системиндеги коррупцияны жоюу жолдорун сунуштадык. Коопсуздук кеңештин чечимдеринин аткарылышы менин көзөмөлүмдө", - дейт президент.