Ак Үйдүн алдында кыйкырган аялдардын видеосу сынга кабылды

"Кечиресиздер, мен бул аялды экинчи кабаттан ыргытып жибермекмин" деп жазат видеону интернетке жүктөгөн жаран. Анда аялдардын ызы-чуу салып, Ак Үйдүн алдына келгенин көрүүгө болот. Айрыкча негизги көңүл анда кыйкырган аялдарга бурулат. Ал "Жооп бергиле, биз балдарды таштадык. Энелер келдик, энелер! Алардын сөзүн уккула, жооп бергиле!", - деп кыйкырып, Ак Үйдүн алдына келип, дүрбөлөң салышкан. Аял Ак Үйдүн эшигинен чыккан жаранды жулкулдатып, уруп киргенин дагы көрсө болот.

Мындан сырткары алар Жогорку Кеңештин аппаратында иштейм деген аялды дагы жулкулдатып, жооп бергиле деп айгай салышкан.

Кечээ, 2-мартта "Ала-Тоо" аянтында абактагы саясатчы Садыр Жапаровду колдоо митингинин катышуучуларына күч түзүмдөрүнүн кызматкерлери суу аткыч машиналарды, көздөн жаш агызуучу каражаттарды колдонуп, аянттан сүрүп чыгаруу үчүн кууп таратышкан болчу.