Күлкүгө бай "Аяш" тасмасы көрсөтүлүп баштады

Бир нече комедиялык кинолордун режиссёру Бакыт Осмонкановдун "Аяш" аттуу тамашалуу киносу жарык көрдү. Жаш жубайлардын турмуштук жашоосун, кызыктуу окуяларын камтыган тасма көрүүчүлөргө жабык эшик артында көрсөтүлүп, 28-октябрдан тарта бардык кино театрларда көрүүчүлөргө тартууланат. Тамашалуу тасманы көрүүгө бардык үй-бүлө мүчөлөрү менен барсаңыздар болот.

Аталган тасмада роль жараткан актриса Динара Багышбаева тасма тууралуу төмөнкүлөргө токтолду.

"Бул жерде команданын эмгеги чоң. Топ бир организм болсо мен да анын бир бөлүгүмүн. Жалпы эле өзүм катышкан кинолор жакпайт. Бул өзүмдү аябай сын көз менен караганымдан болсо керек. Өзүмө дагы бир нерсе жетпей, окшошпой жаткандай сезиле берет. Анан албетте эл тараза, эл сынчы эмеспи", - дейт Багышбаева.