WhatsApp мессенжери ата-энелер үчүн жаңы функция киргизет 

Meta компаниясына таандык WhatsApp мессенжери ата-энелер үчүн жаңы функцияны иштеп чыгууда. Бул тууралуу чет элдик басылмалар жазышты.

Андагы маалыматка ылайык, эми WhatsApp мессенжеринде 13 жашка чейинки колдонуучулар үчүн ата-энелер тарабынан башкарылган балдар аккаунттары түзүлөт.

Мындай мүмкүнчүлүк аркылуу жашы жете элек колдонуучулардын мессенжерлери ата-энелери тарабынан башкарылып, кимдер байланыша аларын жана бала кайсы топторго кирсе болорун чечишет. Бирок жеке кат алышуулардын мазмунун аккаунт ээси гана окуй алат.

Учурда бул функция иштеп чыгуу баскычында турат.