Черногориянын тышкы иштер министри өлкөгө келет

Черногориянын вице-премьер-министри жана тышкы иштер министри Эрвин Ибрагимович өлкөгө расмий сапар менен келет. Бул тууралуу Тышкы иштер министрлиги билдирди.

Маалымдалгандай, ал сапардын алкагында тышкы иштер министри Жээнбек Кулубаев менен сүйлөшүүлөрдү, ошондой эле өлкө жетекчилиги менен жолугушууларды өткөрөт.

Мекеме эки өлкөнүн тышкы иштер министрлери саясий, соода-экономикалык жана маданий-гуманитардык чөйрөлөрдө кызматташуунун келечегин талкуулай турушканын белгиледи.