Иран коммерциялык кемелердин Ормуздан коопсуз өтүшү үчүн акы ала баштаганы айтылды 

Иран бийлиги Ормуз кысыгынан коопсуз өтүшү үчүн айрым коммерциялык кемелерден акы ала баштады. Бул тууралуу чет элдик басылмалар жазышты.

Андагы маалыматка ылайык, кемелер дүйнөдөгү маанилүү деңиз жолунан өтүү үчүн бир каттамына 2 миллион долларга чейин акы төлөшүүдө. Акы ар бир кеме үчүн өзүнчө белгиленип, расмий эмес мүнөздө алынууда.

Айрым чет элдик басылмалар жазгандай, мындай төлөмдөрдү жүргүзүүнүн механизми азырынча так эмес. Бул практика системдүү эмес болгондуктан, жүк ташуучулар арасында белгисиздик жаратууда.

Буга чейин Иран тарап Ормуз кысыгынан кемелерди өткөрүү үчүн расмий түрдө акы алуу укугуна жетишүүгө аракет кылышы мүмкүн экени айтылган.