АКШ менен Иран сүйлөшүүлөрү: Трамп келишимге жакын экенин билдирди

АКШнын президенти Дональд Трамп Иран менен сүйлөшүүлөр жүрүп жатканын жана Тегеран келишим түзүүгө кызыкдар экенин билдирди. Бул тууралуу чет элдик басылмалар жазышты.

Анын айтымында, АКШ өкүлдөрү Иран тараптан “керектүү адамдар” менен байланышта болуп, согуш аракеттерин токтотууга багытталган макулдашууга жетишүүгө аракет кылууда.

Трамп ошондой эле Иран энергетика тармагында олуттуу жеңилдикке барганын белгиледи. Ал бул кадамды “чоң жана баалуу белек” деп атап, ал мунай жана газ менен байланыштуу экенин айтты. Бул жеңилдик Ормуз кысыгы аймагындагы кырдаалга байланыштуу болушу мүмкүн.

Мындан тышкары Пакистан АКШ менен Ирандын ортосундагы мүмкүн болгон сүйлөшүүлөрдү өз аймагында өткөрүүгө даяр экенин билдирген.

Азырынча сүйлөшүүлөрдүн так убактысы жана форматы ачыктала элек, бирок бул билдирүүлөр кырдаалды жумшартууга мүмкүнчүлүк бар экенин көрсөтүүдө.