Чүй электр тармактар ишканасында коррупцияга шектелгендер кармалышты

“Кыргызстандын улуттук электр тармактары” ААКсына караштуу Чүй электр тармактар ишканасында коррупциялык көрүнүштөр аныкталды. Бул тууралуу УКМКнын басма сөз кызматынан билдиришти.

Маалыматка ылайык, 27-март күнү сатуу кызматынын Аламүдүн районунун Лебединовка участогунун башчысы Ж.Э.Ж., ошондой эле инспекторлор К.А.Ж. жана М.А.М. 70 миң сом өлчөмүндө пара алуу учурунда кармалган. Бул факты Кылмыш-жаза кодексинин 342-беренесинин 2-бөлүгүнүн 3-пунктуна ылайык “Кылмыштардын бирдиктүү реестри” системасына катталган.

Кармалгандар УКМКнын убактылуу кармоочу жайына камакка алынган.

Учурда УКМК мындай фактыларды жана башка тиешеси бар адамдарды аныктоо боюнча кошумча ыкчам тергөө иштерин улантууда.