Бишкекте аялга бычак сайып, кызды барымтага алууга шектелген жаран кармалды

Кечээ, 11-июнь күнү Бишкекте эки оор кылмышка шектелген жаран кармалды. Бул тууралуу Биринчи Май РИИБинин басма сөз кызматынан билдиришти.

Маалыматка ылайык, саат 20:50 чамасында Кара-Балта көчөсүндө 1953-жылы туулган аял моюн тарабына бычактан жаракат алган. Алдын ала маалымат боюнча, кол салууга анын 2002-жылы туулган жээни шектелүүдө. Бул факт боюнча «Адам өлтүрүүгө аракет кылуу» беренеси менен кылмыш иши козголду.

Кийинчерээк, саат 21:45те Жибек Жолу жана Ала-Арча көчөлөрүнүн кесилишинде белгисиз эркек киши кызды бычак менен коркутуп жаткандыгы тууралуу маалымат түшкөн. Окуя болгон жерге келген милиция кызматкерлери жана жардам көрсөткөн жарандардын аракети менен шектүү кармалган.

Тергөө маалында кызды барымтага алган жана аялга бычак сайган шектүү бир эле адам экени аныкталып, ал 2002-жылы туулган Б.Р. болуп чыкты.

Учурда шектүү убактылуу кармоочу жайга киргизилип, тиешелүү экспертизалар дайындалды. Тергөө иштери уланууда.