АКШ менен Ирандын сүйлөшүүсү качан өтөрү айтылды 

АКШ менен Ирандын ортосундагы сүйлөшүү 22-апрелде Исламабад шаарында өтүшү мүмкүн. Бул тууралуу америкалык CNN телеканалына таянуу менен чет элдик басылмалар жазышты.

"Эки өлкөнүн делегацияларынын сүйлөшүүсү шаршемби күнү Исламабадда өткөрүлөт",- деп жазылган андагы маалыматта.

Ал эми Ак үй сүйлөшүүлөрдүн так күнүн ырастаган эмес, бирок жакын арада АКШнын делегациясы Пакистанга жөнөп кетерин белгилеген.

Буга чейин Иран бийлиги Вашингтондун ашыкча талаптарынан улам АКШ менен сүйлөшүүлөрдүн жаңы айлампасына катышуудан баш тартканы тууралуу билдирүү тараткан. Ага удаа Иран өз делегациясын Исламабаддагы сүйлөшүүлөргө жөнөтүү шартын атаган эле.

Буга чейин 12-апрелде Иран менен АКШ Исламабадда сүйлөшүү жүргүзүп, бирдиктүү чечимге келе алышкан эмес.