Баткенде аялы бычакталып, күйөөсү асынган абалда табылды

Баткен районунда жубайлардын бири бычакталып, экинчиси асынган абалда табылды. Бул тууралуу Turmush басылмасы жазды.

Окуя бүгүн, 26-апрелде Чоң-Гара айылында катталган. Алдын ала маалымат боюнча, тургун аялын өлтүрүп, андан соң өзүнө кол салганы айтылууда.

Каза болгондор 45 жана 46 жашта болгон. Үй-бүлөдө 5 бала бар, алардын үчөө – мектеп окуучусу.

Учурда милиция окуянын жагдайларын тактап, тиешелүү териштирүү иштерин жүргүзүүдө.