Баткен районунда өзгөчө кырдаал режими киргизилди (видео)

Баткен районунда өзгөчө кырдаал режими киргизилди. Бул тууралуу Өзгөчө кырдаалдар министрлиги билдирди.

Маалымдалгандай, кечээ, 2-майда нөшөрлөп жааган жаандын кесепетинен Ак-Татыр жана Самаркандек айыл аймактарында сел жүргөн. 50 турак үйдүн короолорун сел каптап, анын ичинен 10 турак үйдүн жер төлөөсүнө сел суулары кирген.

Ошондой эле Үч-Дөбө айылында сел жүргөн сайдын жээгинде жайгашкан кооптуу аймактан 35 үй-бүлө коопсуз жайларга эвакуацияланган. Ак-Татыр айылындагы мектепке жарандарды убактылуу жайгаштыруу пункту уюштурулган.